EXPO FABER 2024
Bulevardi i Ri 2030
EXPO FABER 2024 paraqet projektin e Bulevardit të Ri të Tiranës “Rikonceptimi i Qëndrueshmërisë Urbane,” i cili shfaqet si një nga shembujt më të rëndësishëm të zhvillimit dhe transformimit urban në Shqipëri. Ky projekt, që përfshin arkitekturën dhe urbanistikën moderne, vjen si një vizion i studios së njohur Grimshaw Architects perfaqeson riorganizimin ose riurbanizimin e qytetit.
Rikonceptimi i Hapësirave Urbane sjellë në Realitet
Në këtë ekspozitë, vizitorët kanë mundësinë të përjetojnë çdo fazë të këtij transformimi të madh urban. Duke nisur nga skicat konceptuale deri tek projekt planet 3D te perfunduara, ekspozita sjell në pah sfidat dhe arritjet e një procesi që synon të përmirësojë cilësinë e jetës në Tiranë.
Bulevardi nuk eshte thjesht nje projekt i ri i qytetit, por një rikonceptim i të gjithë hapësirës publike. Me përfshirjen e nevojave të komunitetit, qëndrueshmërinë ekologjike dhe inovacionin social, ky projekt krijon hapësira që jo vetëm reflektojnë historinë e qytetit, por edhe projektojnë të ardhmen e tij. Ky bulevard i ri do të integrohet në jetën e përditshme të qytetarëve duke ofruar më shumë gjelberim, akses më të lehtë për këmbësorët dhe transport të dedikuar urban.
Bulevardi Zogu i Parë: Një Arterie e re Urbane
Në ekspozitën “Rikonceptimi i Qëndrueshmërisë Urbane,” një element kyç është transformimi i Bulevardit Zogu i Parë dhe zgjatimit të tij duke ndërthurur historinë me të ardhmen.
Studioja arkitekturore, ka sjellë në jetë një projekt që jo vetëm përmirëson infrastrukturën urbane, por gjithashtu krijon një hapësirë multifunksionale për komunitetin dhe mjedisin. Këtu përfshihet edhe stacioni i trenit, i cili me përmirësimin e lidhjes urbane, synohet të kthehet në një qëndër transporti kyçe në kryeqytet.
Masterplani i Bulevardit të Ri
Masterplani përfshin një sipërfaqe prej 1.15 km² dhe ofron mbi 175,000 m² zona të gjelbra, përfshirë një Park Qendror prej 100,000 m². Ky projekt ka për qëllim të përmirësojë jetesën urbane duke promovuar lëvizjen me biçikleta, transportin publik, si dhe duke rikonceptuar lidhjet e qytetit me lumin Lana. Ky plan synon të përfshijë praktikat më të mira ndërkombëtare në ndërthurje me traditën, duke priorizuar aksesin dhe mirëqenien e komunitetit.
Godina multifunksionale Tirana Boulevard nga MVRDV
Tirana Boulevard, projektuar nga studio e arkitekturës MVRD është një nga elementët e parë strategjikë të Masterplanit të Bulevardit të Ri. Ky projekt, është i pari element i masterplanit që ka kalaur nga vizoni në ndërtim dhe po shërben si katalizator duke hapur rrugën për zhvillimin e zonës. Tirana Boulevard ndërlidh në mënyrë funksionale ambiente rekreative, biznesi, zyra dhe rezidenca për të gjitha nevojat e qytetarëve. Ky projekt modern i dedikuar jetës sociale dhe sipërmarrjes është projektuar për të lidhur historinë dhe peizazhin bashkëkohor të Tiranës në mënyrë harmonike, siç ka qenë edhe vetë frymëzimi i Wini Maas nga qilimi me ornamentet tipike tradicionale shqiptare për Tirana Boulevard Building.
Ndikimi i Transformimit Urban në Jetën e Qytetarëve
Projekti i Bulevardit të Ri dhe transformimet e tjera të ekspozuara në EXPO FABER 2024 reflektojnë një përkushtim ndaj zhvillimit të qëndrueshëm urban dhe përmirësimit të cilësisë së jetës. Duke kombinuar vizionin e arkitektëve dhe planifikuesve urbanë me nevojat e qytetarëve, ky plan transformon hapësirat publike në një formë që përfshin gjithë qytetin, nga qytetari i zakonshëm te turistët dhe vizitorët ndërkombëtarë.
Ky zhvillim i ri është jo vetëm një rikonceptim i hapësirave publike, por edhe një transformim i plotë i mënyrës se si qytetarët ndërveprojnë me qytetin e tyre.
Duke promovuar aksesin e barabartë, transportin e qëndrueshëm, dhe mirëqenien e komunitetit, Bulevardi i Ri vendos standarde të reja për zhvillimin urban në rajon dhe më gjerë.
FAQ
Projekti i Bulevardit të Ri përfshin transformimin e një zone urbane prej 1.15 km² me hapësira të gjelbra, transport të qëndrueshëm dhe infrastrukturë moderne për të rritur cilësinë e jetës dhe qëndrueshmërinë e qytetit.
Projekti përputhet me temën e qëndrueshmërisë urbane të EXPO FABER 2024 duke ndjekur standardet më të larta të zhvillimit të qëndrueshëm, përfshirë hapësira të gjelbra dhe qasje të reja në infrastrukturën publike.
Projekti ofron rrugë më të gjera për këmbësorët, transport publik efikas dhe më shumë zona të gjelbra, duke rritur cilësinë e jetës urbane dhe duke përmirësuar aksesin për komunitetin.
Kullat e larta në Tiranë, shumë prej të cilave kanë më shumë se 20 kate, po ndërtohen në bulevardin e ri kryesisht në zona strategjike si afër stacionit të trenit. Ato përfshijnë hapësira për biznes dhe banim, duke ofruar një zhvillim të qëndrueshëm urban dhe modernizim të qytetit.
